ಶಿರಸಿ:ಕಾರು ಬೈಕ್ ಡಿಕ್ಕಿ ಓರ್ವ ಸ್ಥಳದಲ್ಲಿ ಸಾವು!

2164

ಶಿರಸಿ : ಅತಿಯಾದ ವೇಗದಲ್ಲಿ ಕಾರೊಂದನ್ನು ಚಲಾಯಿಸಿಕೊಂಡು ಬಂದ ಚಾಲಕ ಎದುರಿನಿಂದ ಬರುತ್ತಿದ್ದ ಲಾರಿಗೆ ಡಿಕ್ಕಿ ಹೊಡೆದ ಪರಿಣಾಮ ಸ್ಥಳದಲ್ಲೇ ವೃದ್ಧನೊರ್ವ ಮೃತಪಟ್ಟು, ಚಾಲಕನೂ ಸೇರಿ ಮೂವರು ಗಂಭೀರವಾಗಿ ಗಾಯಗೊಂಡ ಘಟನೆ ಉತ್ತರ ಕನ್ನಡದ ಶಿರಸಿ ತಾಲೂಕಿನ ರಾಗಿಹೊಸಳ್ಳಿಯಲ್ಲಿ ನಡೆದಿದೆ.

ಸಿದ್ದಾಪುರದ ರವೀಂದ್ರ ನಗರದ ಪುಂಡಲೀಕ ಶಾನಭಾಗ (೭೨) ಮೃತಪಟ್ಟ ವೃದ್ಧನಾಗಿದ್ದಾನೆ. ಚಾಲಕ ಹುಬ್ಬಳ್ಳಿಯ ಮಂಜುನಾಥ ಭೀಮಪ್ಪ ನೀಲಿ (೩೯), ಸಿದ್ದಾಪುರದ ಅಶ್ವಿನಿ ಶಾನಭಾಗ (೨೭) ಹಾಗೂ ನಾರಾಯಣ ಶಾನಭಾಗ (೮೨) ಗಾಯಗೊಂಡ ವ್ಯಕ್ತಿಗಳಾಗಿದ್ದಾರೆ. ಗಾಯಗೊಂಡವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಖಾಸಗಿ ಆಸ್ಪತ್ರೆ ಗೆ ದಾಖಲಿಸಲಾಗಿದೆ.

ಚಾಲಕ ಶಿರಸಿಯಿಂದ ಕುಮಟಾ ಕಡೆಗೆ ವಾಹನ ಓಡಿಸುತ್ತಿದ್ದಾಗ ನಿಯಂತ್ರಣ ತಪ್ಪಿ ಶಿರಸಿ ಯತ್ತ ಬರುತ್ತಿದ್ದ ಲಾರಿಗೆ ಗುದ್ದಿದ ಪರಿಣಾಮ ಅಪಘಾತ ಉಂಟಾಗಿದೆ. ಶಿರಸಿ ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.




Leave a Reply

Your email address will not be published. Required fields are marked *